Polka Johann Strauss

En 4º de Primaria estivemos practicando esta Polka coa que traballamos as partes dunha peza musical de xeito práctico. 

Trátase da Polka de Johann Strauss, op.110 (Electro - Magnetic Polka)

Chimpún

 Esta canción aprendímola gracias ao vídeo que nos compartiu Nerea Seijoso, e gústanos moito. Ademais de cantar e pasalo ben, prestamos atención ao esquema corporal. 

Imos algo rápidos, verdade?

Que non mo neguen, Tanxugueiras

Que ben cantan os nenos e nenas de 4º de Primaria, non credes? 

Aquí vos deixo o vídeo interpretando unha canción que estivemos traballando na aula polo día da muller traballadora.

Percusión corporal: marcha turca de Mozart

 Imos traballar esta peza de Mozart empregando os seguintes ritmos e con percusión corporal. Axudámonos de palabras: 

pan = negra 

queixo = dobre corchea 

mantequilla = catro semicorcheas 

Jibidi 1º Primaria

 En primeiro de primaria estivemos traballando con esta canción tan divertida. Fixemos dous grupos e practicamos coas claves e coas maracas. 

Agardamos que vos guste tanto como a nós!

We will rock you!

Se hai unha canción que sempre triunfa, esa é sen dúbida esta que nos interpreta o alumnado de 5º de Primaria.

Día da muller

Sete propostas de mulleres galegas que fan música fermosa.

Que non mo neguen

Achégase o 8 de marzo, o día da muller, e dende música comparto con vós esta canción que me encanta das Tanxugueiras. Déixovos o vídeo e mais a letra: Que non mo neguen!

Intentaremos aprendela nalgún curso de primaria.

Rosalía de Castro na aula de música

Para conmemorar o día de Rosalía de Castro, na aula de música estivemos traballando con algunhas cancións, e aquí vos deixamos 4 vídeos:

1) O moucho, canción de Migallas interpretada polo alumnado de 1º de Primaria. 

2) Tecín Soia, canción de A banda da loba,  interpretada polo alumnado de 4º de Primaria. Este poema foi traballado coa titora na aula. Extraendo catro palabras do mesmo fixeron o seu propio poema.

3) Adiós ríos adiós fontes, de Aid, interpretada polo alumnado de 5º de Primaria, poema tamén traballado na aula co seu titor.

4) Campaíñas de Bastavales, inst.Ana López e vídeo de Nerea Seijoso, interpretada polo alumnado de 6º primaria con placas, triángulo e pandeireta.

Para poder visualizalos, debedes facer clic na seguinte presentación. En cada páxina atoparedes un vídeo.

Agardamos que vos gusten!

O moucho

Esta é unha canción de Migallas que está baseada no poema Eu ben vin estar o moucho, de Rosalía de Castro. Empregamos este vídeo feito por Nerea Seijoso para achegar a figura desta escritora ao alumnado de Ed.Infantil e 1º de Primaria.

23 Febreiro: Día de Rosalía de Castro

 O 23 de febreiro festexamos en Galicia o día de Rosalía de Castro, unha das nosas escritoras máis prezadas. Por iso dende a aula de música estamos traballando as cancións e arranxos que podedes atopar neste Genially que preparei.

1) Canción Rosalía Pequeniña de Uxía Senlle, cos máis pequenos do cole infantil 1º e 2º.

2) Canción Tecín Soia do grupo galego A banda da loba, inspirada nun dos seus poemas, 3º e 4º.

3) Rap de Aid, Adiós ríos adiós fontes, cos maiores do colexio, 5º e 6º.

4) Arranxo para instrumentos de placas e pequena percusión, Campanas de Bastavales, de Nerea Seijoso.

Canción india 5º

 Esta semana comezamos a traballar en 5º de Primaria con esta partitura de Clase de Música 2.0. 

Ten 3 partes e xa sabemos a primeira (parte A).