Co novo currículo a materia de música pasa a chamarse ¨MÚSICA E DANZA¨, por iso engadimos o traballo con danzas na nosa aula de música.
En 5º de Primaria, probamos por primeira vez esta danza acompañada con picas de madeira, e así foi o resultado. Debido ao nº elevado de alumnado, fixemos dous grupos.
Agardamos que vos guste.
En 5º de Primaria bailamos The Entertainer, de Scott Joplin, intercalando partes de percusión corporal. Require de concentración e axudounos a diferenciar as partes dunha peza, ao mesmo tempo que nos divertimos. A parte de xogo de palmas temos aínda que mellorala.
Se hai unha canción que sempre triunfa, esa é sen dúbida esta que nos interpreta o alumnado de 5º de Primaria.
Para conmemorar o día de Rosalía de Castro, na aula de música estivemos traballando con algunhas cancións, e aquí vos deixamos 4 vídeos:
1) O moucho, canción de Migallas interpretada polo alumnado de 1º de Primaria.
2) Tecín Soia, canción de A banda da loba, interpretada polo alumnado de 4º de Primaria. Este poema foi traballado coa titora na aula. Extraendo catro palabras do mesmo fixeron o seu propio poema.
3) Adiós ríos adiós fontes, de Aid, interpretada polo alumnado de 5º de Primaria, poema tamén traballado na aula co seu titor.
4) Campaíñas de Bastavales, inst.Ana López e vídeo de Nerea Seijoso, interpretada polo alumnado de 6º primaria con placas, triángulo e pandeireta.
Para poder visualizalos, debedes facer clic na seguinte presentación. En cada páxina atoparedes un vídeo.
Agardamos que vos gusten!
Esta semana comezamos a traballar en 5º de Primaria con esta partitura de Clase de Música 2.0.
Ten 3 partes e xa sabemos a primeira (parte A).
A regueifa é un desafío improvisado e cantado en verso de unha ou un conxunto de persoas que se retan entre si.
É de orixe galego_portuguesa, con parecido ao rap actual, pero as regueifas son de orixe popular e eran transmitidas oralmente.
Empregamos coplas populares como a primeira, pero tamén houbo un traballo de improvisación onde por grupos crearon varias e de entre todas escollimos a última que cantamos.
Para taballar todas as notas da escala empregamos esta canción de Don Lu, e fixémola con metalnotas, posto que non dispoñemos de xilófonos completos para todos. Con esta canción repasamos normas básicas para tocar placas: a maneira de coller as baquetas, como golpear sobre a placa...
Agardamos que vos guste! Nas próximas sesións iremos complicando a canción.
Para vivenciar o traballo dos compases, estamos empregando pelotas de tenis. Para o de 3/4 empregamos este vídeo estupendo de Nerea Seijoso, con músicas de diferentes estilos e épocas.
Aquí vos deixo uns xogos para repasar e practicar a colocación das notas de do grave a re agudo no pentagrama, en clave de sol.
Cal vos gusta máis? A por elas!
Na clase de música estivemos traballando esta dinámimca con ovos musicais en varios cursos.
E levan o ritmo bastante ben, non credes?
Chega o mes de maio, o mes das flores. Por iso escollín esta canción tan bonita de Uxía que canta coa señora Carmen.
Déixovos a letra e tamén o vídeo para que poidades cantar dende a casa todo este mes.
Cos maiores estamos traballando esta canción con esta letra tan bonita, que fala da amizade e do bonito que é querer. Nos tempos que corren, non está de máis reflexionar sobre esto.
Achégase o día da paz, e dende o cole queremos preparar esta canción acompañada con xestos, a ver que sae e se podemos ensinárvola. Chámase Móvete e é de Paco Nogueiras.
Aquí vos queda o vídeo para que a poidades ir practicando e escoitando dende a casa.
Déixovos por aquí algúns dos vídeos que fun gravando dalgunhas actividades que preparamos na aula de música. Iremos engadindo máis. Agardo que vos gusten!
Oxalá chegue un tempo no que non teñamos que conmemorar o 25 N, pois non hai excusas para a violencia!
Boas nenos e nenas.
Aquí vos queda o reto de frauta (que tamén o tedes na aula virtual do cole). Lembro que podedes entregalo ou ben a través da aula virtual directamente, ou ben a través do email de música asionllamusical@gmail.com.
Dentro da aula virtual, buscamos a materia de música do noso curso, e no tema un podedes atopar os vídeos e a tarefa para entregar. Para empezar escollín pezas moi sinxeliñas, pois tiñamos traballado pouco en frauta...
Moito ánimo!
5º
