22 de Abril: día da Terra

O sábado 22 de abril é o día da Terra. E que podemos facer pola Terra nós? 

Ben, pois eu propóño inventar reciclando e reutilizando como fai Carmela. 

Chimpún

 Esta canción aprendímola gracias ao vídeo que nos compartiu Nerea Seijoso, e gústanos moito. Ademais de cantar e pasalo ben, prestamos atención ao esquema corporal. 

Imos algo rápidos, verdade?

Que non mo neguen, Tanxugueiras

Que ben cantan os nenos e nenas de 4º de Primaria, non credes? 

Aquí vos deixo o vídeo interpretando unha canción que estivemos traballando na aula polo día da muller traballadora.

A regueifa dos de 5º

A regueifa é un desafío improvisado e cantado en verso de unha ou un conxunto de persoas que se retan entre si. 

É de orixe galego_portuguesa, con parecido ao rap actual, pero as regueifas son de orixe popular e eran transmitidas oralmente.

En 5º quixemos poñer en práctica unha regueifa, do proxecto Tiroliro. Cantamos e acompañamos cos instrumentos de placas, aínda que modificamos o acompañamento. 

Empregamos coplas populares como a primeira, pero tamén houbo un traballo de improvisación onde por grupos crearon varias e de entre todas escollimos a última que cantamos.

30 de xaneiro: Día da Paz

 No cole recibimos o día da paz como máis nos gusta... CON MÚSICA! 

LEMBRADE: A paz ten que ser todos os días!

A máquina de Ramona

Aquí vos deixo a canción de Pakolas que estamos traballando na aula. Gústanos un montón! Deixo o vídeo mais a letra. Lembrade os xestos que facemos para acompañala, ouh yeah! E lembrade tamén cambiar as vogais da letra en cada repetición, veña que xa a sabemos!

A desfrutar!

Artellando na aula de música - 4º e 6º EP

 Ola a todos e todas.

Déixovos un vídeo onde podedes ver ao  alumnado de 6º acompañando esta canción de Bruno Mars e Mark Ronson, Uptown Funk. 

Por outro lado o alumnado de 4º cantan e acompañan con percusión corporal Eram sam sam.

Maio longo

 Chega o mes de maio, o mes das flores. Por iso escollín esta canción tan bonita de Uxía que canta coa señora Carmen. 

Déixovos a letra e tamén o vídeo para que poidades cantar dende a casa todo este mes. 

Tamén cos máis maiores empregaremos a seguinte partitura de Nerea Seijoso, para tocala coas placas e ou boomwhackers (posto que este ano o traballo en frauta témolo limitado).

 

FELIZ COMEZO DE MAIO PARA TODOS E TODAS!

Qué bonito es querer!

Cos maiores estamos traballando esta canción con esta letra tan bonita, que fala da amizade e do bonito que é querer. Nos tempos que corren, non está de máis reflexionar sobre esto.

A MIÑA TÍA

 Tantas tías que temos e que ben cantan e tocan as desta canción do grupo Mamá Cabra! Ademais de cantala bailamos e acompañamos con xestos. Aquí vos queda para seguir practicando.

24 FEBREIRO: DÍA DE ROSALÍA DE CASTRO

Achégase o día, e como cada 24 de febreiro lembramos á nosa escritora Rosalía de Castro.

Este ano non tivemos tempo a preparar un vídeo como fixemos o ano pasado. Aínda con todo, escollín esta canción inspirada nun dos seus poemas do grupo galego, que me gusta moito, Adhara and Ritman, chamada ¨Cantarte hei Galicia¨.

Déixovos o vídeo da canción e a letra para que poidades aprendela e cantala dende a casa tamén.

Animádevos a facer o Escape Room de Rosalía e demostrar todo o que sabedes da nosa escritora.

E se queredes lembrar o vídeo que fixemos oo ano pasado tamén podedes volver a velo: VÍDEO.

MOVÉMONOS POLA PAZ

 Achégase o día da paz, e dende o cole queremos preparar esta canción acompañada con xestos, a ver que sae e se podemos ensinárvola. Chámase Móvete e é de Paco Nogueiras.

Aquí vos queda o vídeo para que a poidades ir practicando e escoitando dende a casa.

E tamén a letra:

Dime que fixeches!

Antón é un pouco preguntón, e quería saber moitas cousas. Por iso en Infantil nesta canción contámosllas e cantámosllas. Ademais dramatizámola cos xestos de cada animaliño, queredes volver a cantala? Aquí vola deixo. 

É de Migallas e gustounos moito!

E agora vou ver quen estivo moi atento/a e sabe contestar neste xogo a todas as preguntas!

POR ELAS: 25 N

Oxalá chegue un tempo no que non teñamos que conmemorar o 25 N, pois non hai excusas para a violencia!

Déixovos un vídeo dunha canción que me gusta moito. Se vos animades a gravarvos cantando e xesticulando o retrouso, enviádemo a: asionllamusical@gmail.com

Tres castañas polo chan!

Co outono chegou o tempo das castañas. Enfundamos botas e imos buscalas ao monte, para comelas asadas ou cocidas. Moito coidado cos ourizos, dentro deles é onde as atopamos. Este froito tan sabroso, dánnolo os castiñeiros!

Na aula de música aprendimos esta canción de Mamácabra, moi sinxeliña. 

E tamén fixemos un pequeno acompañamento con percusión corporal, neste caso co pé e con palmas, lembrando a importancia do silencio. 

Así mesmo descubrimos a forma AB cunha pequena introducción no principio. Moi atentos/as!

COAS MIÑAS MANS!

 Cantas cousas podemos facer coas nosas mans, verdade? Cos pequeniños/as de infantil aprendémolas a través desta canción tan bonita de Mamacabra, e acompañamos cos xestos.

Tamén saudamos e fixemos algún xogo co Moucho Laroucho que vive na aula de música. 

Cando está contento e nos portamos ben, ponse na cor verde do semáforo. Se pola contra escoita moito ruído, lémbranos que debemos baixar o volume tocando o instrumento máxico.

Aquí vos deixo algunhas fotos para que o coñezades dende a casa e tamén o poidades volver a ver.