Despois dun duro curso, chegou o verán! E teño que felicitarvos polo voso traballo e constancia, a pesar de todas as cousas que se vos pediu. Estou moi orgullosa de todos e todas vós e deséxovos un feliz verán.
A profe: Ana.
Na aula estamos traballando estas tres cancións pensadas para boomwhackers, que nós as preparamos para placas soltas. Dividimos a canción e repartimos as placas entre nós, traballando a coordinación, concentración e a importancia do traballo en grupo para obter un bo resultado.
Para a identificación das notas, empregamos o código de cores de ¨Pequeño Mozart¨, que relaciona unha cor para cada nota.
Aquí vos deixo a canción de Pakolas que estamos traballando na aula. Gústanos un montón! Deixo o vídeo mais a letra. Lembrade os xestos que facemos para acompañala, ouh yeah! E lembrade tamén cambiar as vogais da letra en cada repetición, veña que xa a sabemos!
A desfrutar!
Na semana das Letras Galegas puidemos desfrutar de música galega, como nos encanta. Por unha parte fixéronse dous concertos didácticos de música tradicional galega, levados a cabo por Pablo Seoane e David Canto, cos que puidemos aprender moito máis sobre os nosos instrumentos, sonoridades, ritmos etc.
