Count on me, Boomwhackers

 En 3º imos probar a acompañar con boomwhackers a canción de Bruno Mars, Count on me. 

Antes de comezar facemos un quecemento co seguinte vídeo:

 

Para logo interpretala axudándonos deste outro:

Danza de los 7 saltos, con pequena percusión

 En 3º Ed.Primaria adaptamos a coñecida Danza de los 7 saltos, para acompañala con pequena percusión.

Trátase dunha canción acumulativa. Empregamos 7 instrumentos: cunchas, cascabeis, pandeiros, güiros, pandeiretas, cocos e triángulos. 

Escoitar canción

Danza dos sete saltos

 O alumnado de 3º de Primaria estivemos traballando con esta danza de Dinamarca, chamada ¨Danza dos 7 saltos¨.

Con ela non só desfrutamos, senón tamén desenvolvemos o oído musical, a estrutura temporal, ritmo, movemento, coñecemento físico e psicomotricidade.

Coa proposta do noso proxecto Tiroliro, ademais diferenciamos os instrumentos de vento-metal, de agudo a grave: trompeta, trompa, trombón e tuba. 

É unha música acumulativa, que consta de 7 voltas e cada unha delas é interpretada neste caso, por un instrumento de vento-metal. 

Temos que seguir mellorando e agudizando a memoria!

Nun mercado persa, Ketèlbey

O alumnado de 3º EP estivo traballando con esta audición, Nun mercado persa, de Ketèlbey. 

Partimos dun conto musicado onde van aparecendo distintos personaxes (mercadores, a princesa Nadima e o seu séquito, Ahmed e Mariam, os encantadores de serpes, o sultán...)

Proxecto Tiroliro

Logo cantamos a canción, coa letra do noso proxecto Tiroliro, adaptada en galego, e traballamos coa partitura (compás de dous por negra, figuración, notas que aparecen re-mi-sol-la-do´), coa que repasamos moitos contidos que xa sabemos de linguaxe musical.

Finalmente cantamos, tocamos con placas e gravamos o resultado.

Temos que seguir practicando e mellorando, pero aquí vos ensinamos un pouquiño do noso traballo.

A figueira de Pelostortos

Pasou o Samaín e aquí vos deixamos unha canción dun conto que nos encanta, Pelostortos. Agardamos que vos guste moito!

Xogo de notas: do grave - re agudo

Aquí vos deixo uns xogos para repasar e practicar a colocación das notas de do grave a re agudo no pentagrama, en clave de sol. 

Cal vos gusta máis? A por elas!

Try everything: percusión corporal

Para seguir traballando coa percusión corporal, escollín esta canción cantada por Shakira, Try Everything. 

É unha canción composta para a película de Walt Disney chamada Zootopia.

A máquina de Ramona

Aquí vos deixo a canción de Pakolas que estamos traballando na aula. Gústanos un montón! Deixo o vídeo mais a letra. Lembrade os xestos que facemos para acompañala, ouh yeah! E lembrade tamén cambiar as vogais da letra en cada repetición, veña que xa a sabemos!

A desfrutar!

Maio longo

 Chega o mes de maio, o mes das flores. Por iso escollín esta canción tan bonita de Uxía que canta coa señora Carmen. 

Déixovos a letra e tamén o vídeo para que poidades cantar dende a casa todo este mes. 

Tamén cos máis maiores empregaremos a seguinte partitura de Nerea Seijoso, para tocala coas placas e ou boomwhackers (posto que este ano o traballo en frauta témolo limitado).

 

FELIZ COMEZO DE MAIO PARA TODOS E TODAS!

AS CALIDADES DO SON

Poñemos a proba os nosos oídos para ver se sabemos diferenciar entre as distintas calidades do son con estes pequenos cuestionarios. Pincha enriba de cada calidade (altura, duración, timbre ou intensidade) e compróbao!

A danza da fada de azucre

 A danza da fada de azucre, é unha das danzas que inclúe ¨O crebanoces¨ do compositor Tchaikovsky. Os nenos/as de 3º de primaria estivemos escoitando esta audición, na que o instrumento máis destacado é a celesta, un instrumento de percusión, que por fóra parece un pequeno piano. A diferencia é que na celesta, ao pulsar as teclas, estas accionan uns martelos que golpean láminas de metal, de aí o seu son, que nos produce sentimentos de misterio, dozura, relaxación...

Vimos este vídeo que nos deixou hipnotizados, pois é moi divertido e con el ademais de interiorizar esta famosa melodía, relaxámonos escoitando e visualizando o vídeo. Agardo que vos guste!

MOVÉMONOS POLA PAZ

 Achégase o día da paz, e dende o cole queremos preparar esta canción acompañada con xestos, a ver que sae e se podemos ensinárvola. Chámase Móvete e é de Paco Nogueiras.

Aquí vos queda o vídeo para que a poidades ir practicando e escoitando dende a casa.

E tamén a letra:

PAKETUMETATA

Encántanos esta canción. Con ela traballamos a coordinación motriz e a atención, ademais de acompañar cantando. Resúltanos moi divertida!

POR ELAS: 25 N

Oxalá chegue un tempo no que non teñamos que conmemorar o 25 N, pois non hai excusas para a violencia!

Déixovos un vídeo dunha canción que me gusta moito. Se vos animades a gravarvos cantando e xesticulando o retrouso, enviádemo a: asionllamusical@gmail.com

Percusión Corporal de Cine

 Déixovos as dúas propostas que estamos traballando na aula con percusión corporal, para que sigades practicando dende a casa.

Escoito pasos, xa ven aí... O SAMAÍN!

 Algunhas actividades que estamos ou que imos traballar estos días nas nosas sesións de música, relacionadas co Samaín, son estas que están agochadas tras este Genially. Déixovolo para que poidades repasar ou seguir practicando na casa e prepararvos para o que imos traballar na aula.

Agardo que vos gusten moito!

FRAUTA. Repasamos as posicións dende a casa!

 Na aula, como vos comentei, non podemos traballar coa frauta posto que é imposible distanciarnos 3 metros como nos piden. Por iso vou ir lanzando retos de frauta para que toquedes e practiquedes, e me enviedes as vosas melloras a través dun vídeo, cando volo pida.

Mentres non lanzo reto, imos ir repasando cousiñas que vimos na clase:

1. Colocación das mans para coller a frauta.
2. Posición das notas.

Neste libriño poderedes repasar e irvos preparando para o reto de frauta.

Estades preparados/as?        

Frauta 

FAI CLICK ENRIBA

https://read.bookcreator.com

Magosto - Samaín!

 Aproxímanse o Magosto e Samaín e vou aproveitar para lembrar o Genially que elaborei o ano pasado, cunha selección de cancións que podedes desfrutar dende a casa. Algunhas xa as coñecedes... e dou fe de que vos gustaron!

A pantera rosa!

Un compositor moi famoso chamado Henry Mancini, compuxo a música que acompaña aos debuxos da Pantera Rosa, que tanto nos gusta. 

Imaxe extraída do blog ¨musicideasmolonas¨

O alumnado de 2º e 1º de primaria, vimos este vídeo tan fantástico na clase, onde ademais de divertirnos descubrimos moitos instrumentos, moitos deles xa coñecidos por nós.

Aproveitamos tamén para recordar que non só cos instrumentos podemos acompañar ou facer música. En nós mesmos temos o mellor instrumento que existe, a percusión corporal.

 

Por iso acompañamos este musicograma con chasquidos, palmas, pernas e pés.

Aquí volo deixo por se queredes volver a facelo dende a casa.

Agradecida!

E chegou o venres 19, data marcada no calendario escolar 2019/2020 como o último día de clase. A verdade houbérame gustado que fose doutro xeito, e poder despedirme de vós con unha aperta ou cantando e bailando xuntos no cole, pero este curso non puido ser... Así que temos pendente unha aperta, porque para o ano seguirei con vós e estou segura que todo vai ir moito mellor!

E qué bonito foi traballar con vós! 

Graciñas a todos e todas por haber posto tanto da vosa parte, por acoller todas as actividades con emoción e entusiasmo, por participar e deixar a vergoña a un lado, e por facerme rir todos os días cos vosos vídeos e fotos.

Tamén agradecer as familias, porque sei que non foi doado, pero conseguístelo e aprenderon un montón coa vosa axuda.

Déixovos unhas medallas para quen queira imprimilas e recordar este percorrido como algo que nos sirva para mellorar!

Deséxovos un verán bonito e a coller moitas forzas para setembro.

APERTA GRANDE PARA TOD@S!

A profe Ana.