O vindeiro sábado 2 de abril celébrase o Día do Libro Infantil. Dende a Biblioteca Pública de Santiago, Ánxel Casal, convidaron a Paco Nogueiras. Anímovos a asistir e desfrutar do seu concerto cheo de música, baile e noticias divertidas, co seu espectáculo Extra.
É un concerto de entrada libre ata completar aforo.
O ballet é un espectáculo de danza, en que a música conta unha historia que executan os bailaríns e as bailarinas. O coreógrafo ou coreógrafa crea os movementos da danza.
Con isto estivemos traballando o alumnado de 4º de Primaria. Bailamos o Pizzicato do ballet Sylvia, de Léo Delibes.
Empregamos os pasos ofrecidos polo noso proxecto Tiroliro, e aínda que temos que mellorar, desfrutamos moito bailando, ademais de traballar a estrutura desta peza: ABA.
Cos nosos palillos chinos en 6º de Infantil acompañamos está divertida audición chamada Alunelul. Non só traballamos o ritmo senón tamén o movemento, adaptándoo á velocidade da música. Ademais vivenciamos a estrutura desta peza, diferenciando a parte A (onde tocamos cos palillos) da parte B (onde avanzamos e nos movemos).
O alumnado de 3º de Primaria estivemos traballando con esta danza de Dinamarca, chamada ¨Danza dos 7 saltos¨.
Con ela non só desfrutamos, senón tamén desenvolvemos o oído musical, a estrutura temporal, ritmo, movemento, coñecemento físico e psicomotricidade.
Coa proposta do noso proxecto Tiroliro, ademais diferenciamos os instrumentos de vento-metal, de agudo a grave: trompeta, trompa, trombón e tuba.
É unha música acumulativa, que consta de 7 voltas e cada unha delas é interpretada neste caso, por un instrumento de vento-metal.
Temos que seguir mellorando e agudizando a memoria!
A regueifa é un desafío improvisado e cantado en verso de unha ou un conxunto de persoas que se retan entre si.
É de orixe galego_portuguesa, con parecido ao rap actual, pero as regueifas son de orixe popular e eran transmitidas oralmente.
Empregamos coplas populares como a primeira, pero tamén houbo un traballo de improvisación onde por grupos crearon varias e de entre todas escollimos a última que cantamos.
En Infantil e 1º de primaria, un dos contidos que traballamos nalgunhas sesións, é a altura do son, diferenciando os extremos: son agudo e son grave.
En 2º xa levamos aprendidas estas cinco notas. Entoamos e cantamos ademais de practicar a súa colocación no pentagrama axudados destas divertidas arañas.
Traballamos un montón de contidos, de xeito práctico:
linguaxe musical (compás, figuras, forte e piano, notas...), entoación, interpretación musical, agarre de baquetas e alternancia de mans.
Como cada 8 de marzo celebramos o Día da muller reivindicando a igualdade que merecemos, pois todos e todas podemos ser o que queiramos ser.
Fixen unha selección de músicas para este día, e agardo que vos gusten. Son moitas das miñas favoritas. O debuxo tamén dun favorito, o pintor Leandro Lamas.
Con cal vos quedades? Podedes escoller unha, deixando en comentarios.
(Para velo mellor, podedes mover a barra lateral e inferior)
