Para menear o esqueleto, neste Samaín puxemos en práctica un baile moi divertido coa canción de ¨El Twist del esqueleto¨, fixémolo por parellas cuns pasos moi sinxelos e pasámolo moi ben.
Cambiamoslle a letra por unha proposta en galego que fai o proxecto tiroliro e ademais de bailar cantámola.
Algunhas actividades feitas na aula de música podedes velas accedendo a través das imaxes.
Seguiremos engadindo máis actividades! Estade moi atentos/as!
Como cada curso, toca despedirse do alumnado de 6º EP que nos veu acompañando durante todos estes anos e cos que compartimos un montón de cousas boas.
Este vídeo ben bonito quedará no recordo!
Graciñas por todos estes anos compartidos comigo.
A profe Ana.
Achégase a noite máxica de San Xoán, a noite do venres 23 de xuño Dise que é unha das noitas máis curtas do ano, onde nos reunimos arredor dunha fogueira/cacharela/lumeira... para festexar o inicio do verán e protexernos das cousas malas. Lavamos a cariña coas herbas de San Xoán, apartamos as meigas dos nosos fogares colocando ditas herbas nas nosas casiñas, saltamos a fogueira para comezar ben o ano, e como non, as sardiñas e o churrasco, verdade?
LUUUUUUUUUUUMEEE!
En 5º de Primaria interpretamos con percusión de altura indeterminada (PAI) esta canción chamada Letkiss, de Hugo Strasser.
Co novo currículo a materia de música pasa a chamarse ¨MÚSICA E DANZA¨, por iso engadimos o traballo con danzas na nosa aula de música.
En 5º de Primaria, probamos por primeira vez esta danza acompañada con picas de madeira, e así foi o resultado. Debido ao nº elevado de alumnado, fixemos dous grupos.
Agardamos que vos guste.
En 3º imos probar a acompañar con boomwhackers a canción de Bruno Mars, Count on me.
Antes de comezar facemos un quecemento co seguinte vídeo:
En 3º Ed.Primaria adaptamos a coñecida Danza de los 7 saltos, para acompañala con pequena percusión.
Trátase dunha canción acumulativa. Empregamos 7 instrumentos: cunchas, cascabeis, pandeiros, güiros, pandeiretas, cocos e triángulos.
Escoitar canción
Onte na clase con 6º de Ed. Infantil repasamos as notas coas súas personaxes coa canción de ¨Pequeño Mozart¨. Levamos con ela dende que comezamos o cole, e xa a saben estupendamente. Mirade!
En Ed. Infantil traballamos con este musicograma onde aparecen uns personaxes ben coñecidos para nós: Tom, Jerry e un queixiño rico rico.
Primeiro traballamos con palabras tiqui-tiqui = Jerry, Tom-Tom= Tom, ñam-ñam= queixo.
Hoxe é 23 de abril e quixen facer unha presentación con algunhas recomendacións de libros relacionados coa música. Agardo que sexa de utilidade!
PD. Se tes algunha recomendación máis, podes escribir abaixo en ¨deixar comentario¨ para que poidamos aproveitala tod@s!
O sábado 22 de abril é o día da Terra. E que podemos facer pola Terra nós?
En 5º de Primaria bailamos The Entertainer, de Scott Joplin, intercalando partes de percusión corporal. Require de concentración e axudounos a diferenciar as partes dunha peza, ao mesmo tempo que nos divertimos. A parte de xogo de palmas temos aínda que mellorala.
En 4º de Primaria estivemos practicando esta Polka coa que traballamos as partes dunha peza musical de xeito práctico.
Trátase da Polka de Johann Strauss, op.110 (Electro - Magnetic Polka)
Esta canción aprendímola gracias ao vídeo que nos compartiu Nerea Seijoso, e gústanos moito. Ademais de cantar e pasalo ben, prestamos atención ao esquema corporal.
Imos algo rápidos, verdade?
Que ben cantan os nenos e nenas de 4º de Primaria, non credes?
Aquí vos deixo o vídeo interpretando unha canción que estivemos traballando na aula polo día da muller traballadora.
Imos traballar esta peza de Mozart empregando os seguintes ritmos e con percusión corporal. Axudámonos de palabras:
En primeiro de primaria estivemos traballando con esta canción tan divertida. Fixemos dous grupos e practicamos coas claves e coas maracas.
Agardamos que vos guste tanto como a nós!
