O VELEIRO VERDE CANCIÓN

Hoxe traio unha canción de María Fumasa que nos fai reflexionar acerca do noso comportamento coa terra.

Queredes montar neste veleiro?

Como propostas de tarefa propóñovos dúas cousas:

1) Canción ¨O veleiro verde¨

             VÍDEO                            LETRA



2) Construir un instrumento con material reciclado.
Aproveitando materiais que teñamos por casa para facer cousas novas, como neste caso instrumentos, axudamos á terra a xerar menos lixo...
Déixovos algunhas ideas, pero cada un de vós podedes facer o que máis vos apeteza. Ademais podedes poñerlle un nome ao instrumento.

Aquí tedes un exemplo de un que enviou Carmen e Lucía, construiron un Pau de Choiva. 

Podedes participar cantando a canción, facendo os xestos da linguaxe de signos (coma no vídeo), construíndo o voso intrumento (foto ou vídeo) ou comentando nesta entrada!

ANIMÁDEVOS!

asionllamusical@gmail.com

TAREFA: ESCRIBIR UN COMENTARIO NO BLOG

Hoxe vou explicar como tedes que facer para deixar un comentario nalgún dos blogs do cole.

Temos 5, contando con este de música, e podedes acceder dende este blog no menú dereito, pinchando nas imaxes de cada un: orientación, biblioteca, infantil e @s de 5º.

Unha vez identificado o blog, déixovos as instrucións a seguir para escribir un comentario nalgún deles. 

LEDE CON ATENCIÓN!

A vosa tarefa será deixar un comentario nesta publicación, para saber que entendedes cal é o proceso. 

Os maiores sós e os peques que se animen, con axuda. 

Deste xeito non é preciso enviar e-mail sempre, só cando queirades entregar algo para que eu o vexa. Para responder preguntas, podemos empregar este método.

LEMBRA POÑER NOME E CURSO (se comentas como anónimo ou con unha conta que non sexa túa)

Ánimo e a comentar!

O MELLOR INSTRUMENTO DO MUNDO: o corpo!

Hoxe tráiovos de tarefa, unha canción moi divertida para acompañar co mellor instrumento do mundo, o corpo. 

E sabedes como se chama facer música co corpo? 

Percusión corporal. 

Imos acompañar a canción ¨Mi gallito¨ con ritmo de jazz, coa axuda destes dous profes magníficos, Ana Quílez e Estevao Marques. Para os máis peques, se nos resulta difícil podemos cantar a canción. E se temos irmáns maiores, podemos repartir o traballo (un canta e outro fai a percusión corporal).

LETRA

VÍDEO

Se aprendedes e vos atrevedes a facer o acompañamento da percusión corporal, déixovos aquí a música sóla para que practiquedes unha vez memorizado o esquema.

CANCIÓN

E coma sempre se algúen se anima a enviarme un vídeo demostrándome que ben o fai... Ven aí o fin de semana, tedes tempo para practicar!

asionllamusical@gmail.com

O INSTRUMENTO MISTERIOSO...

NORABOA aos que distes coa resposta correcta do instrumento que estaba escondido tras a canción:

¨De ellos aprendí¨.

David Rial, Brais Mugico, Lucía Blanco, Sabela Iglesias, Carlos e Adriana Suárez (espero non olvidarme de ninguén).

Aquí vos deixo unha presentación con sorpresas, xa me contades que vos parece!

Seguimos traballando e aprendendo. 

Aperta para todos/as!

Dende o barco da Sionlla...

Quixemos facer un vídeo para todos vós, e este foi o resultado. Posto que estamos co proxecto ¨mares e océanos¨, está claro quen é o barco, quen os capitáns e quen a tripulación do noso cole?

Se non o tedes claro, recoméndovos que lle dedes ao play!

Oxalá vos guste tanto como a nós!

:)

 

DE ELLOS APRENDÍ!

Bos días nenos e nenas!

Acabáronse as vacacións e de novo andamos por aquí, con novas propostas para facer máis levadeira a corentena.

Hoxe toca canción, para comezar con forza. Esta canción está feita con frases das películas de Disney.

Saberíades dicirme qué instrumento é o que acomopaña?
Déixovos o vídeo para que cantedes en karaoke e vexades os debuxos das pelis, e tamén a letra para quen a queira descargar.

LETRA PARA DESCARGAR

E para comezar ben a semana, tráiovos unha SORPRESA!

Como sodes todos uns campións e campionas, aquí vos deixo unhas pulseiras para facer! Tedes varios modelos, escollede a que máis bos guste. Con estas pulseiras seremos invencibles! 

Pulsade enriba da imaxe.

Se queredes enviarme vídeo cantando, ou como vos quedaron as vosas pulseiras, xa sabedes que podedes atoparme en:
asionllamusical@gmail.com

A MÚSICA UNE!

Canción = Trem-bala, Ana Vilela

APRENDO MÚSICA COAS TIC!

Boas a todos e todas!

Esta semana estamos de vacacións, aínda que non as poidamos disfrutar fóra da casa... Eu aproveitarei para preparar máis tarefiñas divertidas para á volta.

Pero, por se queredes seguir aprendendo, déixovos esta páxina onde podedes atopar cousas relacionadas coa música: posicións da frauta, ritmos, cancións, xogos...

PINCHA ENRIBA DA IMAXE

Recórdovos, para os que non o fixestes xa, que podedes enviarme o arco da vella musical, co que estou facendo un vídeo! Rematará o prazo de entrega e publicarei o vídeo con todas as fotos dos nenos e nenas que ma enviaron.

Ademais podedes seguir traballando en todas as propostas das anteriores entradas: vídeos tocando a frauta, fotos do voso instrumento con culleres, ritmo da canción Ronsel, cantando a canción ¨Cuando volvamos al cole¨, experimento cos vasos musicais, debuxo de Leandro Lamas,  xogo de mans e pés...

VÉMONOS Á VOLTA DAS VACACIÓNS!

AXUDIÑA COAS CANCIÓNS DE FRAUTA

Como non sei se estades practicando as cancións de frauta que vos propuxen para este días, aquí vos deixo uns vídeos/tutoriais para que poidades seguir mirando tocando comigo.

Os que xa saibades a canción que corresponde co voso curso, recoméndovos que intentedes a canción do seguinte, que son moi sinxeliñas! E así podedes ver ata onde sodes capaces de chegar.

Pulsade na vosa canción e practicade comigo, coma se estiveramos na clase! :)

E se alguén quere enviarme vídeo... coma sempre:

asionllamusical@gmail.com

¨Cuando volvamos al cole¨

Hoxe descubrín unha canción que me gustou moito, feita por profes de música de Palencia. Se vos gusta, podemos aprendela, e se vos animades tamén ma podedes enviar cantando vós!

Preparei a letra, para que sexa máis fácil de memorizar, e tamén vos queda o vídeo. 

Quen se atreve a montar un Karaoke na casa?
asionllamusical@gmail.com

INICIATIVAS QUE NOS GUSTAN:

Para celebrar o Día do Libro Infantil e Xuvenil, Paco Nogueiras ofrece dende as súas redes sociais un concerto en directo.

Animádevos a cantar e bailar co seu libro/Cd.

Premendo enriba da imaxe, lévavos directamente ao seu perfil de Facebook. Se non o tedes de amigo, podedes aproveitar!
:)

O arco da vella musical!

Quería propoñervos que me axudedes a colorear este arco da vella musical, cada nota cunha cor.

A tarefa consiste en colorear a ficha, e quitarvos unha foto co debuxo, con un sorriso ben grande para que eu poida ver o ben que estades! 

Con todas as fotos que reciba, farei un vídeo con unha música bonita de fondo, para que xamais nos olvidemos que, aínda estando lonxe, nos acordamos os uns dos outros, porque aínda que teñamos que quedarnos na casa, a música únenos.

ANIMÁDEVOS!

 

DESCARGAR

Gracias Alicia, que compartiu comigo este material, do seu instragram ¨Elaulademusica¨