O ROCK DA DUCHA - Migallas

Esta canción está sendo un éxito. Ademais de cantala, acompañamos con un baile movéndonos  por toda a clase, e como ten ritmo de Rock gústanos un montón.

Déixovos o vídeo e a letra da canción, para que poidades seguir cantando dende a casa.

Audición activa: o reloxo sincopado

En 2º de Primaria traballamos con esta audición de Leroy Anderson, chamada O reloxo sincopado

 

Acompañamos con caixas chinas e triángulos e como esta audición non ten letra, collimos esta tan chula do proxecto TIroliro.

Aquí vos queda para seguir practicando (podedes buscar por casa sons que sonen parecidos a estes instrumentos).

Wellerman - Hermoti

Os de 6º estivemos traballando con esta canción na clase. Ademais fixemos os acompañamentos con percusión corporal. Déixovos a letra para poder cantala de novo dende a casa, mais os vídeos da canción e da percusión corporal de Nerea Seijoso.

O pirata Metepata!

 Con esta divertida canción estamos traballando estes días en infantil e os primeiros cursos de primaria. Ademais de cantala acompañamos con movemento e xestos. 

Encántanos! Aquí vola deixo para que a sigades escoitando dende a casa.

HOCKY POCKY

En infantil, 1º e 2º imos comezar con esta canción e baile chamado Hocky Pocky. Ademais de divertirnos aprendemos a diferenciar esquerda e dereita, así como a segmentación do noso corpo.

Aquí vos deixo o vídeo para que poidades seguir practicando o baile e a canción dende as vosas casas.

PAKETUMETATA

Encántanos esta canción. Con ela traballamos a coordinación motriz e a atención, ademais de acompañar cantando. Resúltanos moi divertida!

Adiviña... AEIOU!

Esta canción está pensada para os máis peques, o que non quere dicir que os maiores non poidades aprendela, tanto cantar como os xestos.

Está en castelán pero é MOI PEGADIZA!

Con dicirvos que levo todo o día cantándoa...

ANA QUÍLEZ  & ESTEVAO MARQUES

LETRA

VÍDEO CANCIÓN PARA SEGUIR

DEBUXO A BANDA DAS LETRAS 
(por se apetece colorear)

Para ensinarme as vosas cousiñas, vídeo cantando, foto...
asionllamusical@gmail.com

E para comentarme se vos gustou, se foi pegadiza, difícil, fácil...
👇

O vento leva todo, menos a felicidade! :)

Aquí vos deixo a estes 10 artistas facendo o xogo/canción ¨O vento¨. Graciñas Antón e Martiño, Nagore, Noa, Roque, Pablo, Sabela, Carla, Carmen e Lucía.
Estou MOI CONTENTA co resultado! Oxalá pronto o poidamos repetir todos xuntos no cole!

(para velos a todos, teredes que pasar a páxina na frecha de abaixo á dereita. Tamén podedes facer máis grande a presentación nos 3puntiños ou facer máis grande cada vídeo)

O VELEIRO VERDE CANCIÓN

Hoxe traio unha canción de María Fumasa que nos fai reflexionar acerca do noso comportamento coa terra.

Queredes montar neste veleiro?

Como propostas de tarefa propóñovos dúas cousas:

1) Canción ¨O veleiro verde¨

             VÍDEO                            LETRA



2) Construir un instrumento con material reciclado.
Aproveitando materiais que teñamos por casa para facer cousas novas, como neste caso instrumentos, axudamos á terra a xerar menos lixo...
Déixovos algunhas ideas, pero cada un de vós podedes facer o que máis vos apeteza. Ademais podedes poñerlle un nome ao instrumento.

Aquí tedes un exemplo de un que enviou Carmen e Lucía, construiron un Pau de Choiva. 

Podedes participar cantando a canción, facendo os xestos da linguaxe de signos (coma no vídeo), construíndo o voso intrumento (foto ou vídeo) ou comentando nesta entrada!

ANIMÁDEVOS!

asionllamusical@gmail.com

¨Cuando volvamos al cole¨

Hoxe descubrín unha canción que me gustou moito, feita por profes de música de Palencia. Se vos gusta, podemos aprendela, e se vos animades tamén ma podedes enviar cantando vós!

Preparei a letra, para que sexa máis fácil de memorizar, e tamén vos queda o vídeo. 

Quen se atreve a montar un Karaoke na casa?
asionllamusical@gmail.com

A relaxación da auga

Algunhas actividades que vos propoño hoxe, están relacionadas coa auga, porque hoxe é o día mundial da auga. 

1) Os vasos musicais:

• Collemos varios vasos de cristal. 
• En cada vaso poñemos distintas cantidades, (de maior a menor). 
• Se non temos colorante para darlles cor, podemos facer etiquetas para cada vaso ou  pegatinas de cores en cada un para diferencialos. 
• Collemos unha culler, e golpeando suavemente no vaso poderemos experimentar os sons que se producen. Canta menos auga, o son máis agudo será, e canta máis auga, son máis grave. A qué vos sona? SIII, as notas musicais! 
• Un exemplo:

2) Canción de Magín Blanco, ¨A auga¨:

Unha canción moi sinxeliña e relaxante, que podemos aprender en 5 minutiños. Deixo letra e vídeo.

3) Relaxación ¨ O folio¨: 

Tumbámonos cun folio na barriga. Poñemos a música anterior, e cos ollos pechados collemos aire suavemente polo nariz, contando ata 3, e soltamos pola boca facendo o son ¨s¨. Con isto temos que observar como o folio sube e baixa coa nosa repiración. Isto axúdanos a manternos tranquilos/as e calmados.

Moito ánimo! 
A disfrutar destas actividades cando queirades!

Espero as vosas fotos/vídeos traballando:
asionllamusical@gmail.com

DÍA DA POESÍA

Sabedes qué día é hoxe? 21 de marzo sí, o día mundial da poesía. Por iso dende Biblioteca anímannos a participar nun concursiño... aínda non sabedes de qué se trata? Pois aquí volo deixo.

Veña que está chupado!

Eu déixovos dous libros onde as poesías foron convertidas en cancións.

1) CANTA O CUCO - Uxía e Magín Blanco adicado a Manuel María

2) ROSALÍA PEQUENIÑA - Uxía adicada a Rosalía de Castro

Sen darnos conta... chegou a Primavera!

Pois este ano, a 20 de marzo, chegou unha nova estación, a Primavera. Aquí vos deixo para desfrutar esta canción

A PRIMAVERA - Mamacabra

Os oficios!

Estiven pensando estes días, e decateime da importancia que teñen todas as profesións, ningunha está por riba doutra, todas son importantísimas, 
non credes?

Por iso quixen facer un recopilatorio de cancións que me gustan que falan de diferentes oficios...Nestes días é cando nos damos conta do valor que teñen todos eles!

 Aquí volas deixo.

E tiven

Con elas traio un pequeno traballiño de investigación... 

Quen se apunta?

Tedes toda esta semana para resolver os oficios ocultos tras as cancións!

Lembrade poñerme nome e curso, para saber quen investigou!

Ou iso, ou aquilo!

Seremos o que queiramos ser!

Independentemente de ser neno ou nena. 

Por iso estamos aprendendo esa canción que ten unha melodía tan divertida.

O respeto é un valor que temos moi en conta na aula de música.

Os caranguexos

Os nenos e nenas de 3 anos, convertíronse en caranguexos este Entroido. 

E na aula de música aprendimos esta canción que tanto nos gustou!

Ademais gústanos moito xogar ao xogo dos caranguexos ¨bailongos¨. 
Que non sabedes de que se trata? Pois os caranguexos atópanse durmindo na súa cova musical (que é o pentagrama que temos na aula). Cando comezan a escoitarse as pinzas, van saindo lentamente (levantándose) e comezan a bailar! 

Pero, hai que ter moito coidado coa gaivota. Cando para a música, é o aviso de que temos que quedar quietos, para que non nos leve.

Pero que marchosos estes caranguexos non credes?

Na lingua que eu falo!

Hoxe é 21 de Febreiro, día da lingua materna. O luns é 24 de Febreiro, día de Rosalía de Castro.

Tendo en conta estas dúas datas, na aula de música cantamos con moito agarimo esta canción, inspirada na poesía desta escritora. 
É de Najla Shami e Uxía e chámase

¨ Na lingua que eu falo¨.

Porque estamos orgullos@s da nosa lingua e das nosas escritoras.

Agardamos que vos guste moito!

A toupiña que quería saber quen lle fixera aquilo na cabeza!

Como xa sabedes, aos nenos e nenas de Infantil gústanos moito ler contos, e un que nos apaixona é o da Toupiña.  

Por iso aproveitamos para aprender e cantar a canción.

É que pode pasarlle a calquera! 
Un día a Toupiña saíu do seu tobo, e alguén lle fixo aquilo na cabeza. Quen sería? A pomba, o cabalo, a lebre, a cabra, a vaca, o porco, as moscas...

Non sabemos se é pola gracia que nos fai a Toupiña ou por todos os animais que aparecen neste conto... o que sí sabemos é que nos encanta!

O día 4 de Febreiro, tivemos a sorte de poder asistir ao Teatro Principal para ver representado, e con música, este conto, pola compañía ¨A Xanela do Maxín¨.

Con Febreiro chega o mes de Rosalía de Castro, que foi unha escritora galega moi importante. 

Para saber máis, pincha enriba da imaxe anterior (que é de Juanlu Nacha, un artista tamén galego).

Aquí vos queda un recopilatorio de 9 cancións, a número 6 aprenderémola na clase de música!

Co

O baile da Paz

O 30 de Xaneiro celebramos o día da Paz onde nos comprometemos, nenos/as e profes a defendela. 

Sabedes por qué se escolleu este día? Porque ese día celébrase o aniversario de Mahatma Gandhi,  que foi un líder pacifista que defendía a non violencia.

Na aula de música imos aprender unha canción moi divertida do grupo Mamácabra que se chama ¨ O baile da Paz¨

Déixovos aquí a letra e tamén un vídeo con pictogramas feito polo Ceip A Gándara, para que a vaiades aprendendo. 

Ademais de cantala imos a bailala e con ela recordar que os nenos/as da Sionlla queremos a Paz!