Que instrumento sona?

Para complementar o traballo coas familias de instrumentos musicais, imos poñer a proba os nosos oídos. A ver se sodes capaces de adiviñar que instrumento sona, e coñecemos algúns datos interesantes de cada un deles, ademais de identificar a familia á que pertencen.

Clasificacións dos instrumentos

Na aula estamos traballando dúas clasificacións dos instrumentos. Aquí vos deixo dous genially para que poidades seguir repasando. 

POR ELAS: 25 N

Oxalá chegue un tempo no que non teñamos que conmemorar o 25 N, pois non hai excusas para a violencia!

Déixovos un vídeo dunha canción que me gusta moito. Se vos animades a gravarvos cantando e xesticulando o retrouso, enviádemo a: asionllamusical@gmail.com

I Certame de Panxoliñas de Nadal

Achégase o Nadal e dende o noso colexio en colaboración coa Biblioteca, coordinacións de Actividades Extraescolares, EDLG, TICs e aula de música, lanzamos o I CERTAME DE PANXOLIÑAS EN FAMILIA, no que podedes participar todos e todas acompañados das vosas familias (avós/as, tíos/as, nais e pais, irmáns, primos/as...).

Déixovos o cartaz e tamén as bases para participar. 

O prazo comeza hoxe ata o luns 14 de decembro.

ANIMÁDEVOS! 

RETO FRAUTA: 5º e 6º

 Boas nenos e nenas. 

Aquí vos queda o reto de frauta (que tamén o tedes na aula virtual do cole). Lembro que podedes entregalo ou ben a través da aula virtual directamente, ou ben a través do email de música  asionllamusical@gmail.com.

Dentro da aula virtual, buscamos a materia de música do noso curso, e no tema un podedes atopar os vídeos e a tarefa para entregar. Para empezar escollín pezas moi sinxeliñas, pois tiñamos traballado pouco en frauta... 

Moito ánimo!

5º

6º

BO MAGOSTO!

 A semana pasada os nenos e nenas de 1º de Primaria baixamos ao patio a bailar e xogar coa canción de Mamacabra adicada ao Magosto.

Aquí vos deixamos o vídeo a ver se vos gusta!

Clap, Clap Sound!

Para seguir estudiando a dobre corchea, a negra e o silencio de negra empregamos este musicograma primeiro, e despois acompañamos con baquetas sobre as nosas mesas. 

Identificamos a dobre corchea coa palabra bisílaba CA-SA, a negra coa palabra monosílaba PAN e o silencio caladiños.

Aquí vos deixo o musicograma para seguir practicando dende a casa e tamén o vídeo de como faríamos con baquetas/lapis/rotus/palillos chinos.

  

Percusión Corporal de Cine

 Déixovos as dúas propostas que estamos traballando na aula con percusión corporal, para que sigades practicando dende a casa.

Marcho que teño que marchar!

En Infantil sempre nos despedimos con esta canción que nos gusta un montón! Déixovola aquí no blog por se queredes volver a escoitala na casa.

E agora... MARCHO, QUE TEÑO QUE MARCHAR! 

A Familia Addams - Percusión con vasos

Que vos parece este ritmo con vasos d@s de sexto? Antes de coller o vaso, desinfectamos coma sempre as nosas mans. Este ano en música estamos un pouquiño limitados para facer actividades cos instrumentos, pero as nosas ganas poden con todo!

Penso que saíu bastante ben. Estou moi contenta co voso traballo! Déixovos o vídeo para que o desfrutedes moito

Rosa e a morte

 CONTOS PARA PASALO DE MEDO NESTA FIN DE SEMANA

Nesta historia unhas maracas transfórmanse en personaxes para contarnos un conto para todas as idades.

E, se queredes inventar as vosas propias historias de amor, humor e terrorrrr... podédelo facer con este teatriño de papel do contacontos "Contos para pasalo de medo" de Carmen Domech, que atoparedes pinchando na seguinte imaxe.

Escoito pasos, xa ven aí... O SAMAÍN!

 Algunhas actividades que estamos ou que imos traballar estos días nas nosas sesións de música, relacionadas co Samaín, son estas que están agochadas tras este Genially. Déixovolo para que poidades repasar ou seguir practicando na casa e prepararvos para o que imos traballar na aula.

Agardo que vos gusten moito!